Omnibus Christi fidelibus hoc scriptum visuris vel audituris Thomas Hereward de Mapeltrestede magna salutem in Domino Noveritis me remisisse relaxasse et omnino de me et heredibus meis in perpetuum quietum clamasse Deo et beate Marie et sancto Iohanni Baptiste et beatis pauperibus Ierusalem et fratri Iohanni Pavely nunc priori in Anglia et fratri Iohanni de Whiltebery nunc locumtenenti dicti prioris apud Mapeltrestede parvam et fratribus ibidem commorantibus et Deo servientibus et successoribus eorum totum ius meum et clameum quod habui habeo vel aliquo modo de cetero infuturum habere potero seu potui inposterum in tribus solidis et tribus denariis annualis redditus quos percipere solebam de predictis fratribus videlicet de una pecia terre vocatur le Doune iacente in villa de Mapeltrestede magna ita quod nec ego predictus Thomas nec heredes mei nec aliquis alius per me pro me nec nomine meo in predictis tribus solidis et tribus denariis annualis redditus nec in aliqua parte dicti redditus aliquod ius vel clamium de cetero exigere percipere nec vendicare poterimus infuturum sed ab omni accione et calumpnia inde simus exclusi per presentes in perpetuum In cuius rei testimonium huic quiete clamacioni sigillum meum apposui Hiis testibus Iohanne Horold Iohanne Matyn Willelmo Louekyn Iohanne Waldschef Roberto Colyn et aliis Datum apud Mapeltrestede parvam die iovis proxima ante festum sancti Michaelis archangeli anno regni regis Edwardi tercii post conquestum tricesimo nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.