Sciant presentes et futuri quod ego Iohannes de Nasinge concessi dedi et hac presenti carta mea confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem in Anglia apud Mapeltrestede commorantibus et ibidem Deo servientibus in liberam puram et perpetuam [elemosinam] pro salute anime mee patris mei matris mee et omnium benefactorum meorum vivorum et mortuorum unum denarium annualis redditus quem semper percepi de Hugone de Bladinton[] ad Pascha apud Affebrege videlicet illum denarium quem predictus Hugo michi debuit de totis tenementis redditibus pratis pascuis et pasturis que de me emit et tenuit in parochia de Lamburne habendum et tenendum dictum denarium annualis redditus cum releviis wardis herrietis escaetis et cum homagiis predictorum tenementorum et cum omnibus pertinentiis que de dictis tenementis per predictum denarium aliquo modo poterunt evenire predictis fratribus et eorum successoribus in liberam puram et perpetuam elemosinam libere quiete bene et in pace in perpetuum Et ego predictus Iohannes et heredes mei vel mei assignati predictum denarium ut predictum est predictis fratribus et eorum successoribus contra omnes gentes warantizabimus acquietabimus et defendemus in perpetuum In cuius rei testimonium huic presenti carte mee sigillum meum apposui Hiis testibus domino Willelmo de Lambourne domino Simone Batayle domino Simone filio Ricardi militibus Henrico de Bosco Henrico de Lamburne Iohanne Dewe Willelmo page Radulpho Martyn[] Ricardo David et Willelmo de Panimere et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.