Omnibus hoc scriptum visuris vel audituris Matildis filia Walteri Sparke de Lamburne salutem in Domino Noveritis me in libera viduitate mea et legittima potestate mea concessisse dimisisse et in perpetuum de me et heredibus meis quietum clamasse priori et fratribus hospitalis sancti Iohannis Ierusalem in Anglia et successoribus suis totum ius et clamium quod habui vel aliquo iure hereditatis habere potui in decem acris terre cum omnibus pertinentiis suis in villa de Lamburne quas predictus Walterus pater meus quondam tenuit in eadem villa in liberam puram et perpetuam elemosinam ita scilicet quod nec ego predicta Matildis nec aliquis heredum meorum aliquid iuris vel clamii in predictis decem acris terre cum omnibus pertinentiis suis habere petere vel vendicare poterimus in perpetuum Et ego predicta Matildis et heredes mei predictis priori et fratribus et eorum successoribus predictum tenementum cum omnibus pertinentiis suis warantizabimus acquietabimus et in perpetuum defendemus In cuius rei testimonium hoc scriptum sigilli mei inpressione roboratum predictis priori et fratribus et eorum successoribus pro me et heredibusmeis fieri feci Hiis testibus Willelmo de Lamburne Willelmo de Binesle Henrico de Lamburne clerico Alexandro de Writele Thoma bussell[] Ricardo Davi Waltero Lucas Philippo de Affebruge Ricardo Dipre et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.