Sciant presentes et futuri quod ego Willelmus filius Ricardi de Bellocampo concessi et dedi et hac presenti carta mea confirmavi Simoni de Oddewell[] pro homagio et servicio suo totum servicium et homagium quod Galfridus clericus de magno Henie michi debuit de tribus acris prati in eadem villa cum omnibus dominacionibus michi pertinentibus de eodem feodo sine ullo retento habenda et tenenda illi et assignatis suis et heredibus assignatorum suorum de me et heredibus meis libere et quiete in feodo hereditarie reddendo inde michi et heredibus meis ad scutagium domini regis cum venerit in eodem feodo unum obolum et ad minus minus et ad plus non plus pro omnibus serviciis consuetudinibus et demandis et auxiliis Et ego predictus Walterus et heredes mei warantizabimus totum servicium et homagium et donacionem prefatis Simoni et assignatis suis et heredibus assignatorum suorum per prenominatum servicium contra omnes homines et feminas Hiis testibus Roberto le Bloie Hugone de Lassandre Adam filio Ricardi Ordmario parcar Alexandro de Chelmesho Galfrido filio Willelmi Arnulfo filio Manger[] Roberto filio Arnulfi Roberto Hildeerde Willelmo Prademme Waltero Morel Elia Todi et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.