Sciant presentes et futuri quod ego Thomas Dammartyn concessi et dedi et hac presenti carta mea confirmavi Willelmo carpentario de Beuchamp pro homagio et servicio suo duas acras terre in parochia de Beuchamp iacentes inter terram Thome Turpail et semitam que extendit de Kitelandgate versus domum Rogeri fabri et ex una parte capitant ad Kitelandstrate et ex alia parte ad pratum Rogeri fabri habendas et tenendas illi et heredibus suis de me et heredibus meis libere quiete et hereditarie reddendo inde annuatim michi et heredibus meis octo denarios ad duos terminos scilicet ad Pascha quatuor denarios et ad festum sancti Michaelis quatuor denarios pro omnibus serviciis consuetudinibus et demandis salvo servicio domini regis scilicet ad viginti solidos de milite ad scutagium dum venerit tres denarios et ad plus plus et ad minus minus Pro hac autem donacione et carte mee confirmacione dedit michi predictus Willelmus carpentarius decem solidos in gersumam et Philippo filio primogenito meo sex denarios Et ego predictus Thomas et heredes mei warantizabimus predicto Willelmo carpentario et heredibus suis predictas duas acras terre cum omnibus pertinentiis suis per predictum servicium contra omnes homines et feminas Hiis testibus Ricardo filio Hugonis Fulk[] de Vaus Willelmo de Burnham Willelmo de Pitewineshall[] Willelmo filio Roberti Thoma archer Willelmo de Haselheye Radulpho de Vaus Willelmo de Estune et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.