Sciant presentes et futuri quod ego Constancia relicta Walteri Haneng de Colcestria in libera et pura viduitate et legittima potestate mea dedi concessi et omnino quietum clamavi pro me et heredibus meis vel meis assignatis Ricardo de Berchol marcatori burgenci Colc[estrie] et heredibus suis vel suis assignatis in perpetuum totum ius et clamium quod habui vel habere potui nomine dotis seu alicuius clamii et iuris me vel heredes meos contingentes in toto illo mesuagio cum edificiis curtilagiis et cum suis pertinentiis sine aliquo retento quod quondam fuit dicti Walteri viri mei in villa [de] Colcestr[ia] in parochia ecclesie sancti Nicholai iuxta tenementum quondam Katerine naute ita quod nec ego dicta Constancia nec heredes mei vel mei assignati nec aliquis pro me per me seu nomine meo de toto predicto mesuagio cum curtilagiis edificiis et cum omnibus aliis pertinentiis suis aliquid iuris vel clamii de cetero exigere vendicare aut clamare poterimus Pro hac autem concessione remissione et quieta clamacione dedit michi dictus Ricardus triginta solidos sterlingorum premanibus Et ut hec mea concessio remissio et quieta clamacio firma et stabilis permaneat et in perpetuum huic presenti scripto sigillum meum apposui Hiis testibus Stephano filio Radulphi Henrico Godyar tunc ballivis Colcestr[ie] Olivero filio Elie Waltero aurifabro Thoma Listwyne Gadfrido Godyar Ricardo Pruet David textore Ricardo Cobbe Willelmo Sacole Waltero de Neylond Ricardo Pritte Andrea clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.