Pateat universis per presentes quod ego frater Adam de Hacham magister hospitalis de Mapeltrestede concessi ac reddidi Nicholao fabro de Berwholte seisinam unius mesuagii cum pertinentiis in villa de Colcestria quod sibi accidit per successionem hereditariam post mortem cuiusdam Iohannis filii [roberti] fabri fratris predicti Nicholai cuius heres ipse est qui dictum mesuagium de feodo hospitalis predicti tenuit habend et tenend eisdem Nicholao et heredibus suis vel assignatis de nobis et successoribus nostris per servicia inde debita et consueta Et pro hac autem concessione et reddicione dictus Nicholaus concedit pro se heredibus et assignatis suis quod domos dicti mesuagii non evellet nec abradicabit quominus fratres dicti hospitalis servicia que inde debentur percipere valeant et habere set dictum mesuagium sustentabit et emendabit secundum posse suum In cuius rei testimonium parcium sigilla huic scripto in modum cirografi confecto alternatim sunt appensa Hiis testibus Elia filio Iohannis et Alexandro le taverner tunc baillivis Colcestr[ie] Iohanne de Forda Iohanne de Stanewere Warino filio Willelmi Sahero le parmonter Radulpho Sevare et aliis Datum Colc[estrie] die exaltacionis sancte crucis anno regni regis Edwardi filii regis Henrici tricesimo secundo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.