Robertus de Watevill[] omnibus suis hominibus et amicis Francis et Anglicis et omnibus sancte matris ecclesie filiis tam presentibus quam futuris salutem Notum sit vobis quod ego concessi et hac carta mea confirmavi illas tres acras quas Tebaldus de Oservile miles meus et Iohannes filius eius et alii heredes sui dederunt Deo et beatis pauperibus sancti hospitalis Ierusalem in liberam elemosinam in illo campo qui vocatur Wdefeld quare volo ut predicti pauperes Christi habeant et teneant hanc prefatam terram bene et in pace libere et quiete ab omni seculari servicio de me et heredibus meis et de prefato Thebaldo et heredibus suis Et ut iste Tebaldus et sui heredes istam terram ita libere hospitali concederet Ricardus de Redewintre decanus dedit Thebaldo et heredibus suis 7 solidos pro salute sui et suorum Testibus Durando sacerdote Hugone Broc Abel sacerdote Radulpho sacerdote Gilberto clerico et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.