Willelmus de Chantelu Emmaque uxor eius omnibus suis heredibus atque omnibus suis hominibus et amicis et vicinis tam Francis quam Anglicis salutem Notum sit cunctis tam futuris quam presentibus nos dedisse et concessisse predicacione atque peticione huius Roberti presbiteri amici nostri et pro animabus nostris et pro animabus parentum nostrorum et matrum nostrarum et omnium nostrorum predecessorum Deo et sancto Iohanni Baptiste et sancto hospitali de Ierusalem in perpetuum elemosinam quatuor acras de terra in campo de Barford[] quam terram Brihtnot tenuit et quandam acram ad templum Domini quas acras predictas ab omni consuetudine et servicio liberas et quietas in sancto hospitali et in sancto Domini templo dedimus tali eciam pacto ut iste supradictus Robertus sacerdos puerique sui acras predictas in perpetuum possideant et uno quoque anno quatuor nummos legato fratrum de hospitali michi reddant et unum nummum pro acra fratribus de sancto templo Et hanc elemosinam carta et sigillo nostro confirmavimus Hiis testantibus Hugone de Chantelu Iurdano de Ginge Reinero Willelmo de Goldingham Waltero clerico Galfrido clerico Matheo sacerdote Hugone filio Godman Asgaro Pegano Alurico Vudehac Wigoro Widoni clerico Osberto Briano caperun

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.