Omnibus sancte matris ecclesie filiis ad quos presens scriptum pervenerit Ingelerus de Cantulupo salutem Noveritis me pro salute anime mee et Margerie uxoris mee et omnium antecessorum et successorum meorum dedisse concessisse et hac mea presenti carta confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus in Anglia Deo servientibus totam illam sepem cum pertinentiis suis in parochia de Pebeners que dividit Brichrichesleya et terram Pulein et continet in longitudine quinquaginta perticas et in latitudine unam perticam et sex pedes et ad levandum quoddam fossatum in eadem longitudine et latitudine sicut predictum est in super concedo eisdem fratribus et eorum successoribus ad levandum quoddam fossatum super terram meam de Brichrichesleye et de la Neweland[] incipiendo ex parte orientali ad vetus fossatum in se continens sex pedes in latitudine quod de dono meo prius habuerunt circueundo in longitudine versus occidentem usque ad Burnumesleye et a meta que dividit terras meas predictas et terram predictorum fratrum in latitudine quinque pedum super terram meam habendam et tenendam illis et eorum successoribus in liberam puram et perpetuam elemosinam sicut aliqua elemosina liberius et quiecius dari potest alicui domui religionis Et ego Ingelerus et heredes mei warantizabimus acquietabimus et defendemus totam predictam donacionem cum pertinentiis suis predicte domui hospitalis et eiusdem domus fratribus contra omnes in perpetuum Hiis testibus Willelmo filio Radulphi domino Petro de Merevill[] domino Henrico de Codham Waltero Morell[] Rogero de Besevill[] Hugone Ioye Willelmo de Mateshall[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.