Sciant presentes et futuri quod ego Ingelerus de Cantelo dedi et concessi et hac presenti carta mea confirmavi pro anima mea et pro anima Margerie uxoris mee et pro animabus antecessorum et successorum meorum vivorum et mortuorum Deo et beate Marie et sancto Iohanni Baptiste et beatis pauperibus sancte domus hospitalis Ierusalem quandam particulam de terra mea arabili in campo qui vocatur Brihtrichesleye ad adreseiandum sufficienter fossatum suum quod extendit a Duddingebrake versus meridiem inter predictum campum de Brihtrichesleye et terram predicte domus hospitalis habendam et tenendam in puram et perpetuam elemosinam sicuti aliqua elemosina melius et liberius dari potest religionis domui Ego vero Ingelerus et heredes mei warantizabimus predicte domui hospitalis Ierusalem prenominatum donum contra omnes gentes ut participes simus omnium bonorum que fient in perpetuum in predicte domo hospitalis Ierusalem et ut hec mea donacio concessio et carte mee confirmacio firma et stabilis in perpetuum permaneat presentem cartam sigillo corroboravi meo Hiis testibus Radulpho filio Willelmi de Pebeners Ricardo de Westorp Rogero de Besevill[] Roberto Hildeiard[] Waltero le butteillier Alano filio Walkelini Simone Spendelove Roberto Panimere Iohanne Blancpain et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.