Omnibus sancte matris ecclesie filiis ad quos presens scriptum pervenerit dominus Ingelerus de Campolupo salutem in domino Noveritis me dedisse concessisse et presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus pro salute anime mee et uxoris mee et antecessorum et successorum meorum unam acram terre mee cum pertinentiis in villa de Pebeners que iacet in crofta que fuit quondam Richoud[] in longitudine extra cheminum et abuttat super terram Warini le heyward[] ad unum capud habendam et tenendam in liberam puram et perpetuam elemosinam sicut aliqua elemosina liberius et quiecius dari potest domui religionis Et ego predictus Ingelerus et heredes mei warantizabimus predictam terram cum pertinentiis prefate domui et eiusdem domus fratribus contra omnes homines et feminas in perpetuum et defendemus Hiis testibus Rogero de Besevill[] Waltero Morell[] Waltero botellero Willelmo de Bumsted[] Waltero pistore Alano filio Walkelini [Simone] Spendlove Iohanne Blancpain Roberto Panimere Roberto Pain et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.