Sciant presentes et futuri quod ego Ricardus de Chipenham concessi et dedi et hac mea carta confirmavi Simoni de Oddewell[] pro homagio et servicio suo et pro quinque solidis denariis quos michi dedit in gersumam totam illam hogam que vocatur Thunderloue in Binesle cum chemino pertinente ad totam terram quam habui in domanio et redditu et servicio et homagio quo Robertus cissor de Suberia michi debuit annuatim de terra quam de me tenuit que iacet iuxta Thunderloue sine omni retento tenendam et habendam de me et heredibus meis illi et assignatis suis et heredibus assignatorum in feodo et hereditate bene et pacifice libere et quiete reddendo inde annuatim [...] scilicet ad Pascha unum denarium et ad auxilium vicecomitis unum quadrantem ad Pascha et ad festum sancti Michaelis unum quadrantem et ad scutagium viginti solidos unum obolum et ad plus plus et ad minus minus pro omnibus serviciis consuetudinibus et demandis Ego autem Ricardus et heredes mei warantizabimus predicta tenementa sine omni retento predicto Simoni et assignatis suis et heredibus assignatorum per predictum servicium contra homines et omnes feminas Hiis testibus Hugone de Lasander Willelmo de Ponte Willelmo Cokelin[] Adam filius Warini Willelmo filio Iohannis Alexandro de Chelmesho Rogero filio Galfridi Roberto potserd[] Gilberto de Cruce et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.