Universis sancte matris ecclesie fidelibus presentibus et futuris Rohisia de Heliun eternam in Christo salutem Noverit universitas vestra quod ego pro salute anime mee et pro animabus omnium parentum et amicorum meorum dedi et concessi et presenti carta mea confirmavi Deo et sancte Marie et sancto Iohanni Baptiste et beatis pauperibus sancte domus hospitalis Ierusalem et fratribus in eadem domo Deo servientibus 30 acras terre in Sturemere de dominio meo et tres solidos redditus in eadem villa de terra scilicet Edgari in liberam et puram et perpetuam elemosinam sicut aliqua elemosina melius vel liberius dari potest quam elemosinam ipsis fratribus contra omnes homines warantizabo pro posse meo Et si contigerit quod illis predictam warantizare non possem viginti solidos redditus in escambium dabo illis Predicta autem tenementa predicti fratres in perpetuum habebunt libere et quietam ab omni servicio et exaccione seculari Hiis testibus Roberto filio Rogeri Roberto de Roilia Radulpho Britone Simone filio eius

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.