Sciant presentes et futuri quod ego Fraricus de Burnham concessi et dedi et hac presenti carta mea confirmavi Deo et beate Marie et domui sancti Iohannis Baptiste apud Mapeltrestede et fratribus ibidem Deo servientibus in puram et liberam et perpetuam elemosinam pro salute anime mee et antecessorum et successorum meorum duos denarios annui redditus mei in villa de Sturemere quos Radulphus filius Ade de dicta villa michi debuit pro quodam servicio quod michi solebat facere per annum cum homag[io] et ward[a] et omnibus pertinentiis suis habendos et tenendos de me et heredibus meis dicte domui et successoribus suis et fratribus eiusdem domus libere et quiete in perpetuum Et ego dictus Fraricus et heredes mei warantizabimus [et] acquietabimus dictum redditum dicte domui et fratribus ibidem Deo servientibus in perpetuum contra omnes gentes In cuius rei testimonium huic carte sigillum meum apposui Hiis testibus Galfrido Turpeil Simone le Bret Willelmo [filio] Alani Roberto filio Hugonis Ricardo del Hil Hillario filio Bernardi Mauricio de Chelvestone Henrico Mouhey et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.