Notum sit omnibus sancte matris ecclesie filiis presentibus et futuris quod ego Silvester filius Simonis pro salute anime mee et uxoris mee et omnium predecessorum meorum et pro anima Henrici de Essex[] domini mei et pro omnibus amicis et parentibus meis vivis atque defunctis dedi Deo et beatis pauperibus sancti hospitalis Ierusalem tres acras terre in Hallingebirie illas duas videlicet quas Wlwinus Bimer tenuit sicut iacent simul apud meridiem iuxta viam et terciam in primo campo ex altera parte sepis et cum hiis acris concessi eis liberum exitum et comunem pasturam et alias liberas consuetudines eiusdem ville hanc donacionem feci ego libere et quietam ab omni servicio ita scilicet quod si aliquid supervenerit de aliquo servicio ego ipse acquietabo de meo dominico Hiis testibus Radulpho sacerdote Ricardo fratre meo Warino fratre meo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.