Willelmus filius Galinn omnibus sancte matris ecclesie filiis presentibus et futuris salutem Notum sit vobis quod ego pro amore Dei et salute anime mee et Beatricis et Saceline uxorum mearum et Rogeri heredis nostri et patrum et matrum et parentum et predecessorum et omnium amicorum nostrorum vivorum atque mortuorum dedi et concessi Deo et beatis pauperibus Christi Ierusalem illam terram in Bilichangre quam Fulco de Storteford[] tenuit de me scilicet 6 acras pro duobus solidis annuatim quam terram volo ut prescripti fratres mei habeant et teneant bene et in pace et honorifice et quietam ab omni seculari servicio de me et omnibus heredibus meis et cum hac carta volo ut ipsi habeant omnes libertates et bonas consuetudines mee villate videlicet in bosco in plano in pratis et pasturis et in omnibus locis et rebus ut Dominus noster Iesus Christus nos et nostros in celesti Ierusalem collocare dignetur Amen Hiis testibus Reginaldo sacerdote de Storteford[] Moyse sacerdote de Coggeshale Hugone clerico de la Mersia Fulcone de Storteford[]

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.