Sciant presentes et futuri quod ego Edelina de Cuttebrige in pura viduitate mea dedi et concessi et hac mea carta confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem totam terram meam que iacet in campo qui vocatur Hriede in villa de Samdon[] a ponte qui vocatur Sparkebrige versus aquilonem sicut fossatum circumcludit cum omnibus pertinentiis suis in liberam et puram et perpetuam elemosinam et quietam ab omni seculari servicio et exaccione sicut aliqua elemosina liberius et quiecius dari potest domui religionis Et ego Edelina et heredes mei warantizabimus et defendemus predictam elemosinam contra omnes homines et feminas Hanc autem donacionem feci ego Edelina de Curtebrige pro salute anime mee et patris et matris mee et pro salute omnium amicorum meorum vivorum et mortuorum ut participes simus omnium bonorum que fient in sancta domo hospitali Ierusalem Hiis testibus Willelmo filio Sewale Iohanne de Bedenested[] Willelmo filio Hamonis Roberto marescallo Henrico de Bedenested[] Iohanne Albo et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.