Omnibus ad quos presens scriptum pervenerit Iohannes de Marisco salutem in Domino Noveritis me et heredes meos teneri acquietare Robertum de Quercu Willelmum le Enieyse et Matildem uxorem eius et heredes eorum de omnibus exactionibus que eis vel heredibus eorum per summonicionem scacarii domini regis exigi poterunt occasione cuiusdam assise nuper nove disseisine arannate super me per predictos Robertum Willelmum et Matildem coram domino Rogero de Turkebi iusticiario anno regni regis Henrici filii regis Iohannis tricesimo quinto de qua assisa iidem Robertus Willelmus et Matildis retraxerunt se per conposicionem inter nos perpetratam Acquietabimus etiam eorum plegios de prosequendo et heredes plegiorum si forte amerciamenta illa viventibus plegiis non exigantur per predictam scacarii summonicionem In cuius rei testimonium presenti scripto sigillum meum apposui Hiis testibus Radulfo de Septemfontibus Simone cult[er]weg Baldewino Do Radulpho de Kent Radulpho Garnet Iohanne filio godefrey et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.