Robertus de Besvile et Albretha de Tresgoz omnibus suis hominibus et amicis et insuper omnibus sancte matris ecclesie filiis salutem Notum sit vobis quod nos pro salute nostra et patrum et matrum et predecessorum et heredum et dominorum nostrorum concessimus et firmiter dedimus Deo et beatis pauperibus sancti hospitalis Ierusalem in elemosinam unam virgatam terre et dimidiam in villa de Plichedene solutas et liberas et quietas de exercitu et scutagio et omni seculari servicio exceptis rectis consuetudinibus quatuor scannorum vel hundredi Et cum hac predicta terra volumus ut prenominati pauperes Christi et eorum tenentes habeant et teneant bene et in pace omnes communitatis et liberas et utiles consuetudines in bosco et plano pratis et pasturis et in omnibus locis et in omnibus rebus sicut nostram liberam elemosinam Hiis testibus Ricardo sacerdote de Baduwe Waltero sacerdote de Westune fratre Rogero Simplice fratre Henrico Picot Hugone scriptore Godefrido clerico Radulpho Picot Nicholao clavigero et multis aliis Et si contigerit quod ego non possim warantizare eis hanc terram ego iuravi super altare de Chaur[] ecclesie dare eis escambiam ad valenciam de mea propria hereditate vel de mea adquisicione

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.