Michael de Besevill[] omnibus etc Notum sit vobis quod ego dedi Deo et beatis pauperibus sancte domus hospitalis Ierusalem angulum terre de Plukkedune quem Bernardus tenuit et partem prati que vocatur Hope libere et quiete ab omni seculari servicio in eschange illius terre quam pater meus prius dederat eis pro salute sua set quia non poterant 12 d[] habere de illa [pecia] terre ideo concessi eis suprascriptam terram ut inde 12 d[] habeant sicut habui et pratum in augmentum pro salute mea et Ioice uxoris mee et Willelmi heredis nostri pro salute patrum et matrum nostrarum et dominorum et antecessorum et heredum et omnium amicorum nostrorum vivorum ac defunctorum et cum hac terra concessi predictis fratribus meis Ierusalem communem pasturam in viis et semitis et pratis et pascuis et bosco et plano et in omnibus locis ubicumque villata mea de Scelege habet pasturam Testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.