Sciant presentes et futuri quod nos Thomas atte Park de Gestynthorp et Clemencia uxor mea concessimus dedimus et hac presenti carta nostra confirmavimus Thome filio nostro unam croftam terre nostre una cum quadam pecia prati adiacente cum libero introitu et exitu et omnibus aliis pertinentiis suis et pro ut includitur sepibus et fossatis iacentem in villa de Hengham ad Castrum inter terram custumariam domini comitis Oxon[ie] ex parte una et inter terram domini Iohannis Dyn militis et Hugonis de Shoremed ex altera unde unum capud abuttat super terram custumariam dicti domini comitis et aliud capud super terram dicti domini comitis que quidem terra et pratum vocatur Caperounslond habend et tenend totam predictam croftam terre et predictam peciam prati cum libero introitu et exitu et omnibus aliis pertinentiis suis predicto Thome filio nostro heredibus et assignatis suis de capitalibus dominis fiodi illius per servicia inde de iure debita et consueta in perpetuum Et nos predicti Thomas et Clemencia et heredes nostri totam predictam croftam terre et predictam peciam prati cum libero introitu et exitu et omnibus aliis pertinentiis suis prefato Thome filio nostro heredibus et assignatis nostris contra omnes gentes warantizabimus in perpetuum In cuius rei testimonium huic presenti carte nostre sigilla nostra apposuimus Hiis testibus Ricardo de Chelmeshoo Ricardo de Othuleshoo Iohanne taillour Willelmo de Hicche Roberto page Iohanne at Wode Thoma warde et aliis Datum apud Hengham Castri octavo die mensis octobris anno regni regis Edwardi tercii post conquestum decimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.