Notum sit omnibus presentibus et futuris quod ego Henricus filius Galfridi dedi et concessi et hac presenti carta mea confirmavi Thome de Merweyll[] unam acram et dimidiam terre mee sicut iacet in Webecroft de feodo hospitalis sancti Iohannis Ierusalem et extendit de essarto Michaelis filii Ioce usque ad caminum quod iacet ante portam Reginaldi agricole pro homagio et servicio suo tenendas et habendas de me et de heredibus meis illi et heredibus suis libere et quiete bene et in pace reddendo inde per annum quatuor denarios et obolum ad duos terminos anni scilicet ad festum sancti Michaelis duos denarios et unum quadrantem et ad Pascha duos denarios et quadrantem pro omnibus serviciis et querelis et exaccionibus michi vel heredibus meis pertinentibus Pro hac autem donacione et concessione et huius carte mee confirmacione dedit michi predictus Thomas dimidiam marcam in gersummam Et ego predictus Henricus et heredes mei warantizabimus predictum tenementum prefato Thome et heredibus suis contra omnes homines et omnes feminas per predictum servicium Hiis testibus Galfrido novo homine Alano filio eius Gilberto de Helyun Ricardo Hutlae Galfrido Tempernoyse Simone filio Baldewyn[] Rogero de Hewre et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.