Sciant presentes et futuri quod ego Walterus filius David dedi concessi et hac mea presenti carta confirmavi Willelmo filio Radulphi pro homagio et servicio suo et pro una marca argenti quam dedit michi in gersummam duas acras terre de terra hospitalis que iacent inter terram Henrici Longis et inter horreum predicti Willelmi et totam gravam meam que de eodem feodo est in villa de Bumstede illi et heredibus suis aut cui assignare voluerit tenendas de me et de meis heredibus in feodo et hereditate libere quiete honorifice et integre reddendo inde annuatim quindecim denarios scilicet a Pascha septem denarios et obulum et ad festum sancti Michaelis septem denarios et obulum pro omnibus serviciis et consuetudinibus et exaccionibus Et ego predictus Walterus et heredes mei warantizabimus predictum tenementum predicto Willelmo et heredibus suis aut cui assignare voluerit contra omnes homines et omnes feminas Hiis testibus Willelmo de Helyun Gilberto de Bayloll[] Roberto filio Radulphi Galfrido de Helyun Gilberto de Helyun Willelmo fratre suo et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.