Omnibus sancte matris ecclesie filiis hanc cartam visuris et audituris Alanus de Creppinges salutem in Domino Noverit universitas vestra me divine pietatis intuitu et pro salute anime mee et patris mei et matris mee et omnium antecessorum meorum dedisse et concessisse et hac presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem ibidem Deo servientibus tres acras terre cum pertinentiis in campo qui vocatur Pilecroft quas Robertus de Creppinge frater meus de me tenuit in parochia de magna Teye et iacent inter terram que fuit Henrici filii Iordani et terram Reginaldi de Creppinges habendas et tenendas in liberam puram et perpetuam elemosinam sicuti aliqua elemosina melius et liberius potest dari alicui domui religionis Ego vero Alanus et heredes mei warantizabimus predictam terram fratribus predictis cum pertinentiis contra omnes gentes Et ut hec mea donacio concessio et carte mee confirmacio rata et stabilis imperpetuum perseveret hanc cartam sigilli mei munimine roboravi Hiis testibus Roberto filio Radulphi de Campes Willelmo de Creppinges Sahero de Aldham Reginaldo filio Aucheri Willelmo filio Gunnilde Reginaldo de Crepping[es] Simone mercatore Willelmo filio Roberti et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.