Sciant omnes presentes et futuri quod ego Willelmus filius Willelmi dedi et concessi et hac presenti carta mea confirmavi Deo et sancto Iohanni et fratribus domus hospitalis Ierusalem pro amore Dei et pro salute anime mee et pro animabus patris et matris mee et omnium parentum et antecessorum meorum et pro salute heredum et successorum meorum unum mesuagium in villa de Teye et unum toftum ea videlicet que sunt in capite pontis eiusdem ville et quatuor acras terre in eadem villa dimidiam scilicet acram in Langefurlang[] et dimidiam acram sub Blakeheth[] et unam acram integram in Creppehale et aliam acram integram in Hungerhull[] et dimidiam acram super montem iuxta terram Hugonis de Eston[] et aliam dimidiam iuxta predictam domum similiter dedi eis medietatem prati mei de Brademedwe ita quod hec omnia tenebit Petronilla filia Aldihe et heredes sui de prefata domo cum omnibus pertinentiis suis in bosco in plano in viis et semitis in aquis et molendinis in pratis pascuis et pasturis in exitibus et communis et in omnibus aisiamentis eiusdem ville de Teye ad predictam terram pertinentibus integre plenarie libere et quiete ab omni seculari servicio sicuti ego sancto hospitali concessi reddendo inde annuatim prefata Petronilla et heredes sui Deo et predicte domui hospitalis quatuor denarios ad assumpcionem beate Marie pro omni servicio et demanda Hiis testibus Hervi de Groll[] Roberto de Ilmesd[] Hugone coco Gilberto filio domini Godefrido coco Radulpho filio Willelmi et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.