Sciant presentes et futuri quod ego Galfridus filius Willelmi de Bodegesham dedi et concessi et presenti carta mea confirmavi Humfrido filio Ade dispensatoris pro homagio et servicio suo et pro decem solidis quos michi dedit quinque rodas terre mee cum bosco desuper crescente in Collingeho cum fossato versus Brecheling[] et cum fossato versus vivarium que quinque rode iacent inter viam per quam itur ad boscum Rogeri de Heng[e]ham de vivario versus occidentem et campum qui vocatur Bretheling[] versus aquilonem habendas et tenendas eidem Humfrido et heredibus suis de me et heredibus meis libere quiete integre in feodo et hereditate cum omnibus pertinentiis reddendo inde annuatim michi et heredibus meis pro omni servicio et exaccione et rebus cuntis unum denarium ad festum sancti Michaelis sine occasione salvo servicio domini regis quantum pertinet ad tantam terram in villa de Collingho Et sciendum est quod ego dictus Galfridus et heredes mei warantizabimus et versus capitales dominos defendemus predictas quinque rodas cum bosco desuper crescente et cum fossatis predictis et cum omnibus pertinentiis suis contra omnes homines et feminas et nichel inde amplius habere capere vel exigere poterimus imperpetuum quam predictum denarium termino statuto In huius rei testimonium presentem cartam ego prefatus Galfridus filius Willelmi de Bodegesham sigilli mei munimine roboravi Hiis testibus Mateio de Cappelee Mateio filio Alani Willelmo filio Roberti Willelmo Trone Ricardo filio Reginaldi Rogero Port[] Gilberto filio Alani Gilberto Farewel Alano parvo de Bodegesham Iohanne filio Ade et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.