Sciant presentes et futuri quod ego Robertus filius Ricardi Longi de Subire concessi dedi et hac presenti carta mea confirmavi Petro filio Willelmi de Toppesfeld[] pro homagio et servicio suo et pro duabus marcis sterlingorum quas michi dedit in gersummam totum illud mesuagium cum edificiis et omnibus aliis pertinentiis suis quod habui in villa de Subir[] in parochia omnium sanctorum iacens inter mesuagium predicti Petri ex parte una et venellam que vocatur Wat[er]lane iuxta mesuagium Iohannis molendinarii ex altera et abuttat ad unum capud super curtilagium Stephani del Hill[] et ad aliud super vicum qui vocatur Halethenestrete habendum et tenendum de me et de heredibus meis predicto Petro et heredibus suis vel suis assignatis vel cuicumque illud dare legare vendere vel aliquo modo assignare voluerit et eorum heredibus libere quiete bene et in pace in feodo et hereditarie reddendo inde annuatim capitalibus dominis feodi servicium inde debitum et consuetum scilicet sexdecim denarios per annum et michi et heredibus meis unum clavum gariofoli scilicet ad festum sancti Michaelis pro omnibus serviciis consuetudinibus secularibus demandis et rebus cuntis Et ego predictus Robertus et heredes mei warantizabimus defendemus et acquietabimus totum predictum mesuagium cum edificiis et omnibus aliis pertinentiis suis per predictum liberum servicium ut predictum est contra omnes homines et feminas Iudeos et Christianos predicto Petro et heredibus suis vel suis assignatis et eorum heredibus imperpetuum Hiis testibus Waltero de Clopton[] Willelmo de Hautstede Reginaldo fullone Stephano de Garn[] Osberto de Herthest Bartholomeo capellario Alexandro Paulyn[] Willelmo persune Iohanne molendinario Ricardo Ligune Thoma filio Philippi Ricardo Benne Willelmo filio Andrea clerico et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.