Universis sancte matris ecclesie filiis tam presentibus quam futuris Gilbertus filius Radulphi de Quercu salutem Sciatis quod ego concessi et quietum clamavi de me et heredibus meis et presenti carta mea confirmavi Deo et sancto Iohanni Baptiste et sancto domui hospitalis Ierusalem et fratribus eiusdem domus totam terram que vocatur Senleyga que iacet iuxta magnum vicum ante portam Edwardi de Stubleyga in parochia de Halstede cum omnibus pertinentiis suis in liberam puram et perpetuam elemosinam sicut aliqua elemosina liberius et quiecius dari potest domui religionis Hanc autem concessionem et quiete clamacionem feci domui hospitalis pro salute anime mee et uxoris mee et animabus patris mei et matris mee et omnium antecessorum meorum ut participes simus omnium bonorum que fient in predicta domo hospitalis imperpetuum et ut hec mea concessio et quiete clamacio stabilis et inconcussa permaneat presentem cartam sigillo meo confirmavi Hiis testibus domino Osberto de Glaudefen[] domino Roberto de Beche Petro filio Ricardi Andrea filio Willelmi Ricardo filio Gilberti Albrico filio Petri Willelmo Ioye Asketil Mite Waltero pincerna et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.