Sciant presentes et futuri quod ego Willelmus filius Ascelote de Stublege dedi et concessi et hac presenti carta mea confirmavi Roberto filio Ricardi ad Fontem pro homagio et servicio suo et pro viginti septem solidis quos michi dedit in gersummam totum alnetum quod vocatur Prutfoteswode et iacet inter boscum Warini et cheminum quod extendit se de Halstede versus parvam Mapeltrestede in parochia de Halstede habendum et tenendum de me et heredibus meis sibi et heredibus suis libere quiete integre honorifice et hereditarie reddendo inde annuatim michi et heredibus meis decem et octo denarios ad duos terminos scilicet ad Pascha novem denarios et ad festum sancti Michaelis novem denarios pro omnibus serviciis consuetudinibus et demandis michi et heredibus meis pertinentibus Ego vero Willelmus et heredes mei warantizabimus predicto Roberto et heredibus suis totum prenominatum alnetum cum pertinentiis per servicium prenominatum contra omnes gentes Et ut hec mea donacio concessio et carte mee confirmacio firma et stabilis imperpetuum permaneat presentem cartam sigilli mei munimine corroboravi Hiis testibus Petro filio Ricardi Albrico filio Petri Iohanne filio Willelmi Alfwino Cristemasse Asketin Mite Edwardo de Stublege Waltero pincerna Roberto Panimere Iohanne Blancpayn[] Willelmo fabro Willelmo filio suo et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.