Sciant presentes et futuri quod ego Ailmarus de Fraxino dedi et concessi et hac presenti carta mea confirmavi Roberto de Stubleg[] pro homagio et servicio suo totam terram quam habui in Aluricheshey unde unum capud abuttat super Mosefeld[] et aliud capud super Burefeld[] et iacet inter terram que fuit Reginaldi bercarii et terram Augustini habendam et tenendam de me et heredibus meis sibi et heredibus suis vel cuicumque assignare voluerit libere integre honorifice et quiete cum omnibus suis pertinentiis reddendo inde annuatim michi et heredibus meis ipse et heredes sui vel eius assignati tres denarios scilicet ad Pascha tres obulos et ad festum sancti Michaelis tres obulos pro omnibus serviciis consuetudinibus et exactionibus salvo servicio domini regis scilicet ad scutagium viginti solidorum unum obulum et ad plus plus et ad minus minus Pro hac autem donacione et concessione et carte mee confirmacione dedit michi predictus Robertus in gersummam triginta denarios et Alicie uxori mee sex denarios Ego vero Ailmerus et heredes mei warantizabimus predicto Roberto et heredibus suis vel eius assignatis totam predictam terram cum pertinentiis contra omnes gentes Et ut hec mea donacio et concessio et carte mee confirmacio rata et stabilis imperpetuum permaneat presentem cartam sigilli mei munimine corroboravi Hiis testibus Ricardo Huraunt Iohanne filio Willelmi Willelmo marescallo Gilberto de Quercu Asketil Mite Waltero filio Radulphi Roberto Panimere Gilberto aurifabro Waltero macecrien Costentino de Stublege et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.