Omnibus sancte matris ecclesie filiis ad quos presens scriptum pervenerit Gilbertus filius Henrici salutem Noverit universitas vestra me dedisse concessisse et presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus pro salute anime mee et animabus patrum et matrum meorum et successorum unum mesuagium cum pertinentiis in villa de Halstede quod iacet inter mesuagium Walteri filii Frebery et mesuagium Rogeri filii Magge et continet in longitudine a magno chemino quatuor perticas et in latitudine duas perticas et quatuor pedes habendum et tenendum de me et heredibus meis in liberam puram et perpetuam elemosinam sicut aliqua elemosina liberius et quiecius dari potest domui religionis Et ego Gilbertus filius Henrici et heredes mei warantizabimus predictum mesuagium cum pertinentiis sicut predictum est prefate domui et fratribus eiusdem domus contra omnes homines et feminas imperpetuum Hiis testibus Ricardo filio Gilberti Ricardo Hurand[] Waltero filio Gilberti Willelmo marescallo Gilberto aurifabro Iohanne Byddoy Waltero pincerna Waltero pistore Roberto le Fraunceys Roberto aurifabro et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.