Omnibus sancte matris ecclesie filiis ad quos presens scriptum pervenerit Gilbertus filius Henrici de Halsted[] salutem Noverit universitas vestra me divine caritatis intuitu pro salute anime mee et patris mei et matris mee et omnium antecessorum et successorum meorum vivorum et mortuorum dedisse concessisse et presenti carta mea confirmasse Deo et sancte Marie et beato Iohanni Baptiste et beatis pauperibus sancti hospitalis Ierusalem et fratribus eiusdem domus totum illud tenementum cum edificio et pertinentiis in parochia de Halstede quod habeo de dono Iohannis Byddoy iacens iuxta magnam stratam versus occidentem continens in longitudine a mesuagio quod Radulphus capellanus tenuit versus ripam quinque perticas et a magna via versus occidentem quatuor perticas et dimidia habendum et tenendum in puram et perpetuam elemosinam sicut aliqua elemosina liberius et quiecius dari potest domui religionis Ego predictus Gilbertus et heredes mei warantizabimus totum predictum tenementum cum edificio et pertinentiis prenominate domui hospitalis Ierusalem et eiusdem domus fratribus contra omnes homines et feminas et Iudeos imperpetuum Hiis testibus Petro filio Ricardi Ricardo filio Gilberti Petro filio Albrici Ricardo Huraund[] Waltero clerico Gilberto aurifabro Roberto filio suo Roberto Fraunceys Waltero pincerna Roberto filio suo et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.