Omnibus sancte matris ecclesie filiis ad quos presens scriptum pervenerit Ricardus filius Gilberti de Halstede salutem in Domino Noveritis me concessisse dedisse et hac mea carta confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus pro salute anime mee et uxoris mee et omnium antecessorum et successorum meorum vivorum et mortuorum redditum duodecim denariorum scilicet redditum octo denariorum de Roberto fabro filio Alani fabri de Halstede et de Iosepho pistore eiusdem ville quatuor denariorum redditum cum omnibus exitibus eorundem sine aliquo retenemento in liberam puram et perpetuam elemosinam sicut aliqua elemosina liberius et quiecius dari potest domui religionis Et ego predictus Ricardus filius Gilberti et heredes mei warantizabimus predictum redditum cum omnibus exitibus predicte domui et eiusdem domus fratribus contra omnes gentes imperpetuum Hiis testibus Andrea filio Willelmi Ricardo Huraund[] Albrico filio Petri Waltero filio Gilberti Gilberto aurifabro Waltero buteyller Ricardi filii Gilberti Willelmo de Bumstede clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.