Gilbertus de Oddewell[] tam presentibus quam futuris salutem Sciatis me concessisse et dedisse et hac presenti carta mea confirmasse Simoni de Oddewell[] et Mergerie uxori sue pro homagiis et serviciis suis et pro quatuor marcis argenti quas michi dederunt in gersumam totam terram quam habui in Gestingethorpe in campo qui vocatur Emnecroft et in campo dicto Martinescroft sine omni retenemento et totum cheminum quod vocatur le Holestrete cum omnibus pertinentiis suis tenenda et habenda de me et heredibus meis illis et assignatis suis et heredibus assignatorum in feodo et hereditate honorifice libere et quiete per liberum servicium sex denariorum michi et heredibus meis solvendorum scilicet ad Pascha tres denarios et ad festum sancti Michaelis tres denarios et ad scutagium viginti solidorum unum denarium et ad plus plus et ad minus minus pro omnibus serviciis et consuetudinibus et demandis Ego autem Gilbertus et heredes mei warantizabimus totum predictum tenementum sine omni retenemento predicto Simoni et predicte Margerie uxori sue et assignatis suis et heredibus assignatorum per predictum servicium contra omnes homines et omnes feminas Hiis testibus Ordmerio parker Galfrido filio Willelmi Alexandro de Waude Arnulpho filio Maugeri Gilberto filio Willelmi Bartholomeo fratre eius Roberto potserd[] Gylberto de Cruce Galfrido filio Alani capellani Rogero filio Galfridi et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.