Otho filius Willelmi omnibus hominibus suis vicinis et amicis tam presentibus quam futuris salutem Sciatis me dedisse et concessisse et hac presenti carta mea confirmasse Simoni de Oddewelle et Margarete uxori sue pro homagiis suis et serviciis totas illas dales terre quas Iohannes le eimagere tenuit de me in villa de Gestingthorpe in uno campo qui vocatur Trowtune et totum illud pratum et integrum quod Reginaldus Norensis tenuit in eadem villa quod iacet sub grava predicti Simonis tenenda et habenda de me et heredibus meis illi et heredibus suis libere et quiete bene et in pace in feodo et hereditarie reddendo inde annuatim michi et heredibus meis illi et eorum assignati octo denarios ad duos anni terminos videlicet ad Pascha quatuor denarios et ad festum sancti Michaelis quatuor denarios pro omnibus serviciis et consuetudinibus et exaccionibus salvo servicio domini regis quando scutagium datur in Anglia quanta tanta terra se defendet de eodem tenemento Pro hac autem donacione et concessione et carte huius mee confirmacione dederunt michi duas marcas argenti de gersuma Et ego predictus Otho et heredes mei warantizabimus predicto Simoni et Margarete uxori sue et eorum assignatis prenominatas dales terre et predictum pratum cum omnibus pertinentiis per predictum servicium contra omnes gentes Hiis testibus Ada filio Willelmi Galfrido Gernun Hugone de Lascandre Willelmo de Topesfeld[] Galfrido filio Willelmi Alexandro de Chelmeshoo Gilberto filio Willelmi Ricardo Durant Hugone Walensis et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.