Sciant presentes et futuri quod ego Reginaldus le Baut filius Roberti le Baut concessi dedi et hac presenti carta mea confirmavi et etiam quietum clamavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus apud Mapeltrestede commorantibus in puram liberam et perpetuam elemosinam totum redditum cum homagio et servicio et omnibus pertinentiis suis sine ullo retenemento quem Simon de Oddewelle dicto Roberto patri meo et heredibus suis reddere consuevit scilicet viginti solidos per annum ad terminos anni solvendorum de tenemento illo quod dictus Simon tenuit de dicto Roberto patre meo in hundredo de Heingeford[] tenendum et habendum totum predictum redditum cum pertinentiis suis predictis predicte sancte domui hospitalis Ierusalem in liberam puram et perpetuam elemosinam sicut aliqua elemosina liberius aut quiecius dari potest domui religionis bene et in pace libere et quiete integre imperpetuum ita scilicet quod ego predictus Reginaldus et heredes mei warantizabimus totum predictum redditum cum pertinentiis suis predictis predicte sancte domui hospitalis et eiusdem domus fratribus contra omnes gentes imperpetuum etiam quod ego predictus Reginaldus nec aliquis heredum meorum de cetero aliquod ius aut clameum in predicto redditu vendicare possimus Hanc presentem cartam sigilli mei munimine roboravi Hiis testibus domino Othone filio Willelmi domino Radulpho filio Willelmi domino Engelero de Cantelupo domino Simone de Oddewelle Godefrido de Listun[] Gilberto filio Henrici Iohanne de Hodeng[] domino Willelmo capellano domino Thoma capellano Rogero de Besevile et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.