Sciant presentes et futuri quod ego Robertus de Chelmesho de Gestingthorpe dedi concessi et hac presenti carta mea confirmavi Radulpho de Wetherdene pro servicio suo et pro quadam summa pecunie quam michi dedit premanibus unam peciam terre in villa de Gestingthorpe iacentem in campo qui vocatur Walfeld[] videlicet inter terram Iohannis Robyn[] ex una parte et terram eiusdem Roberti ex altera sive in predicta pecia terre habeatur plus sive minus tenendam et habendam de me et heredibus meis predicto Radulpho et heredibus suis vel suis assignatis vel cuicumque dictam terram cum pertinentiis sicut bundis et divisis dividitur dare vendere legare vel assignare voluerit libere quiete bene et in pace et hereditarie reddendo inde annuatim michi et heredibus meis unam rosam ad festum Nativitatis sancti Iohannis Baptiste pro omnibus serviciis consuetudinibus exaccionibus demandis et cuiuscumque curiarum sectis Et ego predictus Robertus et heredes mei warantizabimus acquietabimus et in omnibus defendemus predictam peciam terre cum pertinentiis per prenominatum servicium contra omnes gentes imperpetuum In cuius rei testimonium hanc presentem cartam sigilli mei munimine roboravi Hiis testibus domino Radulpho filio Willelmi de Pebenesse milite Radulpho de Westthorp[] Willelmo burre de Pebenesse Nicholao clerico de Gestingthorpe Iohanne Robyn[] Thoma warde Willelmo de Leffeldewelle Galfrido filio Hugonis Nicholao de Cruce et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.