Sciant presentes et futuri quod ego Simon de Oddewelle concessi et dedi et hac mea carta confirmavi Waltero Morel filio Simonis Morell[] pro homagio et servicio suo et pro dimidia marca argenti quam michi dedit in gersumam totam illam terram cum omnibus pertinentiis sine omni retenemento quam Robertus Brus aliquando tenuit in Gestingthorpe que capitat ex parte occidentis super terram que vocatur Swayneslond[] et ex parte orientis super Remete tenendam et habendam de me et heredibus meis illi et heredibus suis imperpetuum libere et quiete bene et pacifice hereditarie reddendo inde annuatim duos solidos scilicet ad Pascha duodecim denarios et ad festum sancti Michaelis duodecim denarios et ad scutagium viginti solidorum sex denarios et ad plus plus et ad minus minus pro omnibus serviciis et consuetudinibus et demandis Ego autem Simon et heredes mei warantizabimus predictum tenementum cum omnibus pertinentiis sine omni retinemento predicto Waltero et heredibus suis per predictum servicium contra omnes homines et omnes feminas Hiis testibus Galfrido filio Willelmi Alexandro de Waude Roberto potserd[] Ricardo filio Willelmi Roberto de Wicham Roberto de Hyldeherd[] Willelmo Ioye Rogero de Besevile et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.