Sciant presentes et futuri quod ego Philippus filius Reginaldi de Cruce concessi et dedi et hac mea carta confirmavi Galfrido Sturmyn pro homagio et servicio suo et pro octo solidis denariorum quos michi dedit in gersumam totam illam croftam in Gestingthorpe quam Willelmus Sturmyn[] frater predicti Galfridi aliquando tenuit cum mesuagio supra quod vocatur Sturtmyns Hamstall[] tenendam et habendam de me et heredibus meis illi et heredibus suis cum pastura chemini ad predictam croftam pertinente et cum omnibus aliis pertinentiis suis imperpetuum in feodo et hereditate bene et pacifice libere et quiete per liberum servicium duodecim denariorum per annum solvendorum scilicet ad Pascha sex denariorum et ad festum sancti Michaelis sex denariorum et ad quodlibet scutagium unum denarium nec plus nec minus pro omnibus serviciis et consuetudinibus et demandis Ego autem Philippus et heredes mei warantizabimus predictam croftam cum predicta pastura et cum omnibus aliis pertinentiis suis predicto Galfrido et heredibus suis per predictum servicium contra omnes homines et omnes feminas Hiis testibus Ordmero parkario Alexandro de Waude Galfrido filio Willelmi Rogero filio eius Arnulpho filio Mangeri Roberto potserd[] Elia filio Henrici Toti Gilberto de Cruce Ricardo filio Willelmi Thoma filio Alexandri et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.