Sciant presentes et futuri quod ego Reginaldus de Selverleye dedi concessi et hac mea presenti carta confirmavi Nicholao vicario de Gestingthorpe pro homagio et servicio suo et pro duabus marcis argenti quas michi dedit in gersumam illam acram prati quam Thomas clericus filius Willelmi de Eston[] aliquando de me tenuit apud la H[er]lawe iacentem inter pratum Ricardi Vys de leu et feodum Willelmi de Goldyngham et abuttat super stagnum molendini de Bellocampo utrum habeatur ibi magis vel minus cum omnibus pertinentiis ad predictam acram habendam et tenendam de me et heredibus meis sibi et heredibus suis ve suis assignatis vel cuicumque et quandocumque dictam acram prati dare vendere legare vel assignare voluerit in quocumque statu sit sive sit sanus sive sit eger libere quiete bene et in pace imperpetuum exceptis viris religiosis et loco religioso reddendo inde annuatim michi et heredibus meis unum denarium ad Pascha pro omnibus serviciis consuetudinibus exaccionibus auxiliis demandis et sectis curiarum Et ego et heredes mei warantizabimus acquietabimus et defendemus predictam acram prati cum omnibus pertinentiis dicto Nicholao et heredibus vel suis assignatis vel cuicumque et quandocumque dictam acram prati cum omnibus pertinentiis dare vendere legare voluerit in quocumque statu sit sive sit sanus sive sit eger per predictum servicium contra omnes homines et feminas imperpetuum Et ut hec mea donacio concessio et presentis carte mee confirmacio perhennem stabilitatem possideant presens scriptum sigilli mei impressione roboravi Hiis testibus Roberto de Bellocampo clerico Willelmo filio Reynerii Waltero clerico Bartholomeo fabro Roberto de Chelmesho Ricardo de Othulvesho Hugone filio Rogeri Thoma de Cruce Henrico de Forhelt[] Iohanne page Nicholao clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.