Sciant presentes et futuri quod ego Nicholaus vicarius de Gestingthorpe dedi concessi et hac mea presenti carta confirmavi Felicie filie mee pro homagio et servicio suo unum mesuagium et unam rodam terre predicto mesuagio adiacentem sex acras dimidiam terre unam acram prati et tres rodas bosci cum pertinentiis in villa de Gestingthorp et Bellocampo Willelmi habenda et tenenda de me et heredibus meis sibi et heredibus suis imperpetuum reddendo inde annuatim michi et heredibus meis triginta tres denarios obolum et quadrantem pro omnibus serviciis consuetudinibus sectis curiarum et omnibus demandis et auxiliis scilicet medietatem ad Pascha et aliam medietatem ad festum sancti Michaelis salvo tamen servicio domini regis scilicet ad scutagium quando evenerit tantum quantum continetur in cartis feoffamenti dominorum feodorum et michi singulis annis dum vixero duo quarteria frumenti Et ego predictus Nicholaus vicarius et heredes mei warantizabimus acquietabimus et defendemus predicte Felicie et heredibus suis omnia predicta tenementa cum pertinentiis suis per predicta servicia contra omnes gentes imperpetuum Et ut hec mea donacio concessio et huius carte mee confirmacio rata et inconcussa permaneat huic presenti scripto sigillum meum apposui Hiis testibus domino Gilberto filio Hugonis Reginaldo de Selvyrleye Roberto de Chelmesho Nicholao clerico Ricardo de Othulvesho Willelmo de Leffeldewelle Hugone filio Rogeri Waltero Morel Nicholao de Cruce et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.