Omnibus Christi fidelibus presens scriptum visuris vel audituris Pymelothe et Beloce filie Edmundi carpentarii de Gestingthorpe salutem in Domino Noverit universitas vestra nos concessisse et omnino quietum clamasse Nicholao clerico pro quadam porcione argenti quam nobis dedit totum ius et clameum pro nobis et heredibus nostris et assignatis quod habuimus vel aliquo modo habere potuimus de cetero de tota terra cum omnibus suis pertinentiis que fuit Ducoce sororis nostre que iacet de longo in longum iuxta viam que se extendit de ecclesia de Gestingthorpe versus la Brake et abuttat ad unum capud super terram vicarii de eadem que nobis vel heredibus nostris vel assignatis aliquo opere vel aliquo iure sine ullo retinemento posset accidere habenda et tenenda dicto Nicholao et heredibus suis vel suis assignatis vel cuicumque et quandocumque dictam terram cum omnibus pertinentiis dare vendere legare vel assignare voluerit libere quiete bene et [in] pace de nobis et heredibus nostris vel assignatis Et nos et heredes nostri warantizabimus et defendemus totam dictam terram cum omnibus pertinentiis dicto Nicholao et heredibus suis vel suis assignatis vel cuicumque et quandocumque eandem terram dare vendere legare vel assignare voluerit per servicium unius radicis zinseberis contra Natale Domini contra omnes homines et feminas imperpetuum Et ut hec nostra concessio et quieta clamacio perhennem in se stabilitatem possideant presens scriptum sigillorum nostrorum impressionibus corroboravimus Hiis testibus Roberto de Chelmesho Ricardo de Othulvesho Thoma de Cruce Iohanne page Willelmo filio Hugonis de Leffeldwelle Ricardo de Leffeldewelle Radulpho de Cruce et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.