Sciant presentes et futuri quod ego Felicia filia Nicholai quondam vicarii de Gestingthorpe dedi concessi et hac presenti carta mea confirmavi Ade Goldston pro homagiis et serviciis suis et pro quadam summa pecunie sue quam michi dedit premanibus in gersumam unam peciam prati quod quidem pratum pater meus et feoffator meus quondam emit de Reginaldo de Silverley iacentem apud le Lowe inter pratum Ricardi Vys de leu et feodum Willelmi de Goldyngham et abuttat super stagnum molendini de Bellocampo utrum ibi habeatur magis vel minus cum omnibus pertinentiis ad predictam peciam prati habend et tenend sibi et heredibus vel assignatis suis de capitalibus dominis feodi illius vel cuicumque vel quandocumque dictam peciam prati dare vendere vel aliquo modo assignare voluerint libere quiete bene et in pace iure hereditarie imperpetuum reddendo inde annuatim capitalibus dominis feodi illius servicium inde debitum et consuetum Et ego predicta Felicia heredes vel assignati mei warantizabimus acquietabimus et in omnibus defendemus predictam peciam prati cum omnibus pertinentiis suis dicto Ade heredibus vel assignatis suis contra omnes gentes imperpetuum Et ut hec donacio concessio et presentis carte mee confirmacio rata sit et stabilis huic presenti scripto sigillum meum apposui Hiis testibus Alano de Goldyngham Iohanne de Wastohll militibus Nicholao clerico Galfrido warde Thoma warde Waltero Morell Willelmo de Leffeldewelle et aliis Datum apud Gestingthorpe die veneris proxima post festum sancti Petri in Cathedra anno regni regis Edwardi vicesimo quinto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.