Omnibus Christi fidelibus hoc presens scriptum visuris vel audituris Robertus de Chelmesho salutem in Domino Noverit universitas vestra me relaxasse et omnino quietum clamasse Ade Goldston et heredibus suis vel suis assignatis totum pratum quod habui quod iacet inter pratum hospitalariorum de Mapeltrestede et pratum Martini Ernold preterea relaxavi et omnino quietum clamavi totum ius et clameum quod habui vel aliquo modo habere potui in quadam fossa abuttante super angulum gardini dicti Ade Goldston eidem predicto Ade ita videlicet quod nec ego vel heredes mei vel assignati mei vel aliquis nomine meo vel pro me vel per me aliquod ius vel clameum in dicto prato cum suis pertinentiis sive in dicta fossa cum suis pertinentiis de cetero vendicare poterimus vel debemus Et ut iste relaxaciones et quiete clamaciones perhennem in se stabilitatem possideant presens scriptum sigilli mei impressione roboravi Hiis testibus Roberto Packeles Radulpho de Wetherden Nicholao clerico Thoma filio Willelmi Galfrido filio Hugonis Willelmo de Leffeldewelle Iohanne Burdeles clerico et aliis Datum die dominica proxima post festum sancte Margarete anno regni regis Edwardi quartodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.