Sciant presentes et futuri quod ego Rogerus de Othulvesho concessi dedi et hac presenti carta mea confirmavi Petro de Othulvesho fratri meo pro homagio et servicio suo quinque acras terre cum pertinentiis iacentes in una crufta que vocatur Asfeld[] et quinque rodas terre cum pertinentiis iacentes inter terram Willelmi Loundreys ex una parte et terram Thome filii Willelmi ex altera parte et abuttat ad unum capud super cheminum qui ducit de hameletto qui vocatur Bestham usque ad ecclesiam de Gestingthorpe et ad aliud capud super terram hospitalariorum de Mapeltrestede et unam acram prati cum pertinentiis iacentem in prato quod vocatur Polmedwe unde unum capud abuttat super ripam et aliud super campum quod vocatur Lyureyhg[] habendas et tenendas de me et heredibus meis predicto Petro et heredibus suis vel cuicumque et quandocumque dictam terram et pratum cum omnibus pertinentiis suis dare vendere vel aliquo modo assignare voluerit libere quiete bene in pace integre et hereditarie imperpetuum reddendo inde per annum michi et heredibus [meis] predictus Petrus et heredes sui totum servicium quod predicta tenementa debent capitalibus dominis feodorum illorum pro omnibus serviciis consuetudinibus exaccionibus sectis curiarum et secularibus demandis Et ego predictus Rogerus et heredes mei vel mei assignati warantizabimus acquietabimus et defendemus predicto Petro et heredibus suis vel suis assignatis omnia predicta tenementa cum omnibus pertinentiis suis per predictum servicium contra omnes gentes imperpetuum In cuius rei testimonium huic presenti carte sigillum meum apposui Hiis testibus Reginaldo de Silverleye Roberto de Chelmesho Hugone filio Rogeri Nicholao clerico Willelmo de Leffeldewelle Nicholao de Cruce Thoma filio Willelmi et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.