Sciant presentes et futuri quod ego Ricardus filius Willelmi de Longo bosco de Gosfeld dedi concessi et hac presenti carta mea confirmavi Ricardo de Othulvesho de Gestingthorpe et Avicie uxori sue totam terram et tenementa quam habui vel aliquo alio modo habere potui in villa de Gestingthorpe quam Willelmus Londreys quondam tenuit in predicta villa de Gestingthorpe videlicet tria crufta sicut includuntur sepibus et fossatis et cum omnibus pertinentiis suis habend et tenend predicta tria crufta cum omnibus suis pertinentiis de capitali domino eiusdem feodi predicto Ricardo et Avicie uxori sue et heredibus dicti Ricardi de Othulvesho libere quiete integre bene et in pace reddendo inde annuatim domino capitali eiusdem feodi omnia servicia et iure inde debita et consueta Et ego predictus Ricardus et heredes mei sive assignati totam predictam terram cum omnibus suis pertinentiis predictis Ricardo et Avicie uxori sue et heredibus dicti Ricardi warantizabimus acquietabimus et plenarie defendemus contra omnes gentes imperpetuum In cuius rei testimonium huic presenti carte sigillum meum apposui Hiis testibus Galfrido warde Waltero Morell Ricardo de Chelmesho Thoma warde Thoma Prudomme et aliis Datum apud Gestingthorpe die lune proxima post festum sancti Iacobi apostoli anno regni regis Edwardi filii regis Edwardi tercio

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.