Sciant presentes et futuri quod ego Ricardus de Othelesho de Gestingthorpe dedi concessi et hac presenti carta mea confirmavi domino Thome de Gippewico capellano et Nicholao Gile de Gestingthorpe undecim acras terre arabilis cum omnibus suis pertinentiis iacentes divisim in villa de Gestingthorpe predicta quarum sex acre iacent coniunctim in crofto vocato parva Ashefeld quas perquisivi de Ricardo de Loungewode et inciderunt michi de hereditate mea videlicet inter stratam ducentem versus Halstede ex parte una et terram meam ex altera et abuttat unum capud super terram rectoris de Gestingthorpe et aliud capud super terram vocatam Croucheshouscroft et quinque acre terre predicte iacent in eadem villa in crofto vocato Loungewodescroft inter terram Willelmi Selde ex una parte et venellam ducentem versus domum Thome warde quas perquisivi de Ricardo de Longewode habend et tenend predictas undecim acras terre cum omnibus suis pertinentiis predictis domino Thome et Nicholao heredibus et assignatis eorum de capitalibus dominis feodorum illorum libere quiete bene in pace imperpetuum per servicia inde debita et consueta Et ego predictus Ricardus et heredes mei predictas undecim acras terre cum omnibus suis pertinentiis predictis domino Thome et Nicholao heredibus et assignatis eorum warantizabimus imperpetuum In cuius rei testimonium huic presenti carte sigillum meum apposui Hiis testibus Iohanne fermer Edmundo botiler Thoma atte Park Roberto le warenner Thoma warde et aliis Datum apud Gestingthorpe die martis proxima post festum sancti Ambrosii anno regni regis Edwardi tercii a conquestu duodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.