Sciant presentes et futuri quod ego Ricardus de Othelesho de Gestingthorpe dedi concessi et hac presenti carta mea confirmavi Thome pertrich filio meo unam peciam terre cum omnibus pertinentiis suis iacentem in villa de Gestingthorpe predicta inter terram meam ex parte una et terram Thome warde ex parte altera et abuttat ad unum capud super terram domus hospitalitatis sancti Iohannis de Ierusalem et aliud capud super stratam ducentem de molendino quod vocatur Lachemere versus domum predicti Thome warde habend et tenend predictam peciam terre cum omnibus pertinentiis suis predicto Thome heredibus et assignatis suis de capitalibus dominis feodi illius per servicia inde debita et de iure consueta libere quiete bene in pace et hereditarie imperpetuum Et ego predictus Ricardus et heredes mei predictam peciam terre cum omnibus pertinentiis suis predicto Thome heredibus et assignatis suis contra omnes gentes warantizabimus imperpetuum In cuius rei testimonium sigillum meum apposui Hiis testibus Roberto atte Parke Simone Chans Willelmo Howe Thoma warde Iohanne Morell et aliis Datum apud Gestingthorpe die dominica proxima post festum Pasche anno regni regis Edwardi tercii a conquestu vicesimo tercio

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.