Omnibus Christi fidelibus hoc presens scriptum visuris vel audituris Iohannes filius Willelmi Stace de Gestingthorpe salutem in Domino sempiternam Noveritis me concessisse remisisse et omnino pro me et heredibus meis imperpetuum quietum clamasse Simoni Chance de Fordham totum ius et clameum quod habeo vel habui seu aliquo iuris titulo habere potero in uno mesuagio curtilagio et una crofta terre sicut sepibus et fossatis in longitudine et latitudine includitur cum communis et aisiamentis et omnibus aliis pertinentiis predicto mesuagio et terre quoquo modo spectantibus sine ullo retenemento habend et tenend omnia predicta tenementa cum pertinentiis et commoditatibus predicto Simoni heredibus et assignatis suis de capitalibus dominis feodi per servicia inde de iure debita et consueta ita quod nec ego predictus Iohannes nec heredes mei nec aliquis nomine nostro aliquid iuris vel clamei in predictis tenementis cum pertinentiis de cetero exigere vel vendicare poterimus Et ego predictus Iohannes et heredes mei omnia et singula predicta tenementa cum omnibus et singulis pertinentiis suis predicto Simoni et heredibus suis contra omnes gentes warantizabimus imperpetuum In cuius rei testimonium huic scripto sigillum meum apposui Datum apud Gestingthorpe die sabbati in vigilia sancti Iacobi apostoli anno regni regis Edwardi tercii post conquestum terciodecimo Hiis testibus Thoma atte Park Ricardo de Chelmesho Ricardo de Othelisho Thoma warde Iohanne carpentar[io] Willelmo de Leffeldewelle Thoma Ramage et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.